ВОНРЕДНИ КОНТРОЛИ ВО КУЈНИТЕ ВО 9 ШКОЛИ ВО КАРПОШ Во „Димо Хаџи Димов“ бил централниот магацин од каде се снабдувале со храна сите училишта
Инспекциски тимови од Агенцијата за храна и ветеринарство (АХВ) денеска спроведуваат вонредни инспекциски контроли во кујните на 9 основни училишта во Општина Карпош со кои стопанисува истиот оператор со храна во чија сопственост е и централниот магацин кој се наоѓа во основното училиште „Димо Хаџи Димов“ во Скопје и од каде се набавуваат репроматеријали за подготовка на храна.
Во рамки на превентивните вонредните контроли во овие училишта, каде нема деца кои појавиле симптоми на труење со храна, се земаат мостри од храна и од работните површини за лабараториско тестирање.
АХВ ги чека резултатите од тестирањата на земените примероци храна и од работните површини во рамки на вчерашната вонредна инспекциска контрола која заедно ја спроведоа инспектори за храна на Агенцијата за храна и ветеринарство, Државниот здравствен и санитеран инспекторат и Ценатрот и Институтот за јавно здравје.
.
