Вонредна состојба во источна Канада поради шумски пожари
Во градот Халифакс во источна Канада во неделата вечерта е прогласена вонредна состојба поради шумски пожари кои предизвикаа прекини во снабдувањето со електрична енергија и евакуација на населението.
„Спасувачите и службите за итни случаи работат деноноќно за да ги задржат луѓето безбедни и да ја намалат заканата од шумските пожари“, објавија локалните власти во Халифакс, главниот град на Нова Шкотска.
Огромен облак од црн чад се надвисна над овој пристанишен град на истокот на Канада, а вонредната состојба ќе важи седум дена, освен ако предвреме не биде откажана или продолжена, соопштија градските власти, пренесува Танјуг.
Канадската компанија Rogers Communications, гигант во обезбедувањето на безжични комуникациски услуги, на Твитер објави дека евакуираните граѓани може да се соочат со прекини на услугата.
