Во земјотресот во Мјанмар загинаа 3.354 лица

Најмалку 3.354 лица загинаа во земјотресот во Мјанмар, ова е новиот официјален биланс што денеска го објавија државните медиуми.

Според извештаите, повредени се 4.508 лица, а 220 лица се водат како исчезнати.

Земјотрес со јачина од 7,7 степени според Рихтеровата скала го погоди Мјанмар пред една недела.

Според проценките на Обединетите нации, повеќе од три милиони луѓе се погодени од катастрофата, што ја влоши ситуацијата во земјата опустошена од четиригодишната граѓанска војна.