Во Тетовско се празнуваше Свети Атанасиј
Празникот Свети Атанасиј денеска како патрон го чествуваат православните цркви именувани по светецот, а се наоѓаат во Брвеница, Седларце, Требош и на тетовско Кале. Митрополитот тетовско-гостиварски г. Јосиф беше во посета на црквите во Брвеница и Седларце каде ги благослови славските колачи.
-На полноќ се читаше акатист на Свети Атанасиј по што се одржи трикратен опход-литија. Утринава се служеше Златоустова литургија, изјави отец Ивица Спасеновски од црквата Свети Атанасиј во Брвеница.
Православните верници од Тетово останаа доследни на традицијата пеш да искачат на ридот Балтепе каде на Калето се наоѓа црквата Свети Атанасиј. Главна карактеристика на овој ден е што по црковната служба верниците остануваат на дружба и празнична гозба на отворено на Калето.
