Во Тетово на дете му пукнала петарда во уста

Во Тетово новогодишната ноќ поминала генерално мирна и без големи инциденти.

Сепак, во ургентниот центар во Тетово се пријавиле седум граѓани, од кои тројца биле во алкохолизирана состојба, а четворица малолетници се повредени со петарди.

Едното од нив се здобило со повреда откако петарда му пукнала во устата.

Засега не е јасно како се случил инцидентот.

Во Тетово немаше новогодишно украсување со елка и светкави сијалички, а немаше ни прослава, па граѓаните мораше сами да си прават атмосфера со петарди и други пиротехники.