Во тек е молк, денеска гласаат болните, затворениците, лицата во старските домови
Во Македонија денеска е изборен молк, а истиот ќе трае до утре до 19 часот.
Како што е познато денеска, на ден пред изборите, гласање за претседателските избори се спроведува за болните и изнемоштените, затворениците во Казнено-поправните домови и лицата во притвор, во старските домови и државјаните во странство.
Во дипломатските претставништва и конзуларни канцеларии денеска од 7 до 19 часот по локално време, врз основа на прифатените 2.571 пријави на наши државјани, гласање треба да се спроведе во Абу Даби каде се пријавени 26 наши државјани за гласање, во Белград-31, Берлин-260, Берн – 186, Бон – 164, Брисел -93, Вашингтон-34, Венеција – 79, Виена – 123, Детроит-34, Загреб-87, Канбера-31, Копехаген-74, Лондон-87, Љубљана-332, Минхен-166, Мелбурн-64, Њујорк-85, Осло-41, Париз-44, Прага-52, Рим-30, Стокхолм-85, Торонто-117, Хаг-65, Чикаго-88, Анкара-18, Варшава-23, Мадрид-18, Пекинг-12 и Софија 22.
Резултатите од денешното гласање ќе бидат познати утре, заедно со резултатите од гласањето во целата земја.
Избирачките места се отвораат во 7 часот, а гласањето трае до 19 часот.
Годинава поради тоа што се двојни избори, за време на молкот за претседателските избори, нема да има прекин на кампањата за парламентарните избори закажани за 8 мај.
