Во светот поскапеа месото, млекото, шеќерот – кои продукти се поевтини?
Генерално паѓаат цените на храната во светот, со исклучок на неколку намирници.
Светските цени на храната се намалија во март на најниско ниво за една и пол година, објави денеска агенцијата на ОН, ФАО. Се намали цената на пченката, за 4,6 отсто, поради прогнозите за рекордна жетва во Бразил. Цените на оризот поевтинија за 3,2 отсто, што ФАО го припишува на претстојната жетва кај клучните извозници, Индија, Виетнам и Тајланд.
Растителните масла поевтинија за 3,0 отсто во однос на февруари, а во однос на ланскиот март цените им се за 47,7 отсто пониски.
Цените на млекото и млечните производи во март се повисоки за 0,8 отсто отколку во февруари. Цената на шеќерот, од друга страна, порасна за 1,5 отсто, што значи дека тие цени го достигнаа највисокото ниво од октомври 2016 година, поттикнати од загриженоста поради намаленото производство во Индија, Тајланд и Кина.
Месото, поскапе за 0,8 отсто, како одраз на повисоките домашни цени на говедското месо во САД поради очекуваната послаба понуда и повисоките цени на свинското месо во Европа пред празниците.
Во земјава дел од намирниците се со пониски цени.
foto freepik.com/Racool_studio
