ВО СРБИЈА ЌЕ НИКНЕ НАЈГОЛЕМА ВЕТРОЕЛЕКТРОЕЛЕКТРАНА – потпишан договор за вложување меѓу CWP Europe и PowerChina Resources
Со церемонијалното потпишување на договорот за инвестирање во проектот ветерен парк Ветрозелена кај Панчево, кинеската компанија „PowerChina Resources“ станува стратешки партнер на компанијата „CWP Europe“, еден од лидерите во развојот на проекти за обновливи извори на енергија во Србија и регионот. На церемонијата на потпишување на договорот присуствуваа помошникот министер за меѓународна соработка во Министерството за рударство и енергетика Јована Јоксимовиќ, советник за економска и трговска соработка во кинеската амбасада во Србија Лиу Каи и претставници на двете компании.
Хе Шију, извршен потпретседател на „PowerChina Resources“ рече: „Како прекуокеанска инвестициска платформа на корпорацијата „PowerChina Group“, горди сме што соработуваме со „CWP Europe“ со цел да го унапредиме овој проект, кој значително ќе придонесе за Србија во потрага по обновливи извори на енергија. Синергиите во инвестициските, градежните и оперативните капацитети на PowerChina Resources и развојното, комерцијалното и локалното искуство на CWP Europe ќе бидат од голема вредност за проектот. И овој проект ја зајакнува нашата соработка со еден од најактивните и најбрзо растечките играчи во ветерната индустрија во Европа. Ветрозелена е во голема мера во согласност со стратешката цел „Јаглеродна неутралност“, која е поставена од многу земји. Кога проектот ќе почне да функционира, тој ќе придонесе за оптимизација на енергетскиот микс, намалување на трошоците за енергија, стимулирање на енергетската структурална трансформација и испорака на одржлива и достапна чиста енергија за српскиот народ. Патувањето од илјада милји започнува со првиот чекор. Потпишувањето на инвестицискиот договор со „CWP Europe“ е клучна пресвртница и совршен почеток за учеството на „PowerChina Resources“ во секторот за обновливи извори на енергија во Србија“.
Извршниот директор на CWP Europe, Димитар Енчев рече: „Возбудени сме што можеме да го пречекаме PowerChina Resources како наш партнер во ветерната електрана Ветрозелена од 300 MW“. Овој значаен проект ќе биде најголемиот ветерен парк во Србија и еден од најголемите во регионот по завршувањето во 2025 година. Овој проект претставува голема инвестиција и со испорака на чиста електрична енергија по ниска цена, тој е важен чекор кон диверзификација и декарбонизација на српскиот енергетски микс“.
Ветрозелена е втор ваков проект развиен од CWP во Србија, со планирана инсталирана моќност од 300 MW и 48 генератори на ветер. Производството на зелена енергија на ветерниот парк Ветрозелена ќе ги намали емисиите на CO2 за околу 820.000 тони секоја година. По завршувањето на изградбата и пуштањето во употреба во 2025 година, ветерниот парк Ветрозелена ќе биде најголемиот ваков проект во земјата.
Инвестицискиот договор за ветерен парк од 300 MW создава поволни услови за понатамошно подобрување на обновливите извори на енергија во Србија и е јасен знак дека земјата е на пат кон диверзификација на својот енергетски микс. Двете компании се во единствена позиција да соработуваат и комбинираат глобално знаење и специфично локално искуство.
CWP EUROPE е водечка компанија за развој на проекти за обновлива енергија во Југоисточна Европа. Во текот на изминатите 15 години, CWP Europe инвестираше во одржлив развој и енергетска транзиција во регионот и веќе успешно ги разви најголемите ветерни електрани во регионот, вклучувајќи ја и најголемата фарма на ветер во Европа – проектот Fantanele-Cogealac од 600 MW во Романија. Во моментов развива над 6 GW капацитет за обновлива енергија во Србија, Бугарија, Романија, Црна Гора, Албанија, Босна и Херцеговина, Словенија, Молдавија и Украина. „CWP Europe“ е заедничко вложување на „CWP Global“, водечка глобална компанија за обновливи извори на енергија и „Mercuria Energy Trading“, еден од најголемите независни трговци со енергија во светот со повеќе од 140 милијарди долари приход.
POWERCHINA RESOURCES LTD. е компанија со платформа специјализирана за меѓународен инвестициски бизнис „Power Construction Corporation of China Ltd“, основана во 2012 година во Пекинг. Моментално поседува и управува со 23 инвестициски проекти со вкупен глобален капацитет од 5333,5 MW. Вкупната актива во 2022 година изнесуваше 60 милијарди јуани (8,3 милијарди евра).
