ВО СПЛИТ УСИДРЕНА ЈАХТА ОД 75 МИЛИОНИ ДОЛАРИ – се знае кој е сопственикот
На светската ранг листа на најголеми јахти Toute Sweet се наоѓа на 1048. место, а последната позната цена по која е огласена за продажба изнесува 75 милиони американски долари.
Во морето луксузни пловни објекти кои годинава беа забележани во областа на Сплит, пронајдена е и јахтата Toute Sweet на шведскиот милијардер Бертил Хулт.
Речиси 50-метарската џиновска јахта ги украде погледите на минувачите кои застанаа да и се восхитуваат на сивата убавица. Јахтата е изградена од Heesen Yachts од Холандија, која го лансираше Toute Sweet во 2019 година. Суперјахтата може да прими до 12 луѓе, а има дополнително сместување за 10 членови на екипажот и теретана.
На светската ранг листа на најголеми јахти Toute Sweet се наоѓа на 1048. место, а последната позната цена по која е огласена за продажба изнесува 75 милиони американски долари.
Кој е Бертил Хулт?
Сопственикот Бертил Хулт е шведски милијардер, основач на EF Education First. Неговото богатство се проценува на три милијарди долари. 82-годишниот Хулт денеска делумно се пензионираше.
Двајца од неговите четири сина работат во компанијата што ја основал, најстариот син Филип Хулт како претседател на компанијата и третиот син Едвард Хулт како извршен директор на северноамериканскиот регион. Под надзор на Бертил Хулт, ЕФ прерасна во корпорација вредна повеќе милијарди долари со повеќе од 40.000 вработени во 53 земји.
По средното училиште, Хулт се вработил како асистент на бизнисмен во Лондон. Потоа научил да зборува англиски и заклучил дека најдобриот начин за учење на јазикот е преку секојдневниот живот. Откако се вратил во Шведска, се запишал на Универзитетот Лунд, а по една година го напуштил.
Тој ја основал компанијата на 23-годишна возраст во подрумот на неговиот универзитетски студентски дом. Тој го започна EF како организација за учење јазик и патување во странство, првично за шведски средношколци кои одат во Англија да учат англиски јазик. Како дете се борел со дислексија и тоа го убедило дека „културното потопување“ е најдобриот начин за учење јазик. Со ова се занимава неговата компанија.
Хулт е вклучен и во добротворни организации кои се борат против злоупотребата на дрога и промовираат образование за дислексија. Тој живее со семејството во Швајцарија, пишува Индекс.
Фото: Принтскрин Јутјуб
