ВО РАДИУС ОД 100 МЕТРИ ПРОСТОРОТ Е ОГРАДЕН: Српската полиција копа околу куќата каде исчезна Данка

Српската полиција копа околу куќата во која минатиот вторник исчезна двегодишното девојче Данка Илиќ. 

Како што пренесуваат српските медиуми, простор со радиус од околу 100 метри е ограден со жолта лента околу куќата.

Во близина на куќата има голем број полициски истражители. Како што неофицијално дознава „Новости“, има и вештаци за судска медицина, но оваа информација сè уште не е потврдена. На новинарите строго им е забрането да се приближуваат до куќата.

Австриската полиција објави фотографии од двете жени коишто српски државјанин ги сними во Виена со девојче кое личи на Данка. Девојчето е на возраст од две години.