Во Приштина започна судењето против четворица Срби обвинети за тероризам
Во Основниот суд во Приштина денеска се одржа првичното рочиште за судењето на четворицата Срби осомничени за тероризам, Милун Миленковиќ, Дејан Пантиќ, Александар Влајиќ и Миомир Вакиќ. Обвинетите истакнаа дека го разбираат обвинителниот акт и се изјаснија за невини за кривичното дело што им се става на товар.
Во обвинението што го прочита обвинителот, се наведува дека осомничените ги нападнале просториите на ЦИК на 06.12.2022 година, кога биле фрлени две шок бомби, од кои едната експлодирала и со тоа ги загрозиле животите на луѓето. Одбраната има рок од 30 дена да се жали на обвинението.
Судијата Ветон Куртај најави дека Апелација ќе одлучува по предлогот на одбраната на Милун Миленковиќ тој да биде пуштен во куќен притвор со кауција, што значи дека останува во притвор.
На почетокот на судењето одбраната истакна дека ги добиле комплетните досиеја преведени на српски јазик. Специјалното обвинителство товари четворица осомничени за кривично дело „вршење тероризам“.
