Во Грција украдената струја ќе се плаќа двојно повеќе

Струјата откриена како украдена ќе се наплаќа по двојно поголема цена од пазарната во Грција,објави агенцијата АНА-МПА. Истовремено, оние кои ќе извршат кражба на струја ретроактивно ќе ја платат украдената енергија од датумот кога се смета дека е започната кражбата, а ќе ги покријат и административните и материјални трошоци за откривање на кражбата.

Ова е предлогот на Операторот на Грчка Дистрибутивна Електрична Мрежа (ХЕДНО) до Регулаторното тело, по сознанието дека феноменот на кражба на електрична енергија е се позастапен и дека цената на струјата што беше одредена во 2017 година како „казна“ за кражба на електрична енергија во моментов – поради интервенираното зголемување на трошоците – е всушност пониска од моменталната пазарна ценаи овој криминал е исплатлив..

„Износот што го должи потрошувачот кој извршил кражба на електрична енергија, кога ќе биде откриен, е значително помал од трошокот што го бараат потрошувачите кои совесно ја плаќаат својата електрична енергија“, велат од ХЕДНО.

Поконкретно, казните се двојно повисоки од цената (плус 100 отсто) во сите случаи освен за потрошувачите вклучени во социјалната тарифа за кои доплатата достигнува 50 проценти.