Во Германија утре се одржуваат вонредни избори, четврти во поновата историја
Во Германија на 23 февруари, недела, се одржуваат вонредни парламентарни избори, организирани по распадот на трипартитната коалиција на канцеларот Олаф Шолц, а според анкетите на јавното мислење, најмногу поддршка имаат конзервативците.
Ова е само четврти пат во поновата историја по Втората светска војна во Германија да се одржат вонредни парламентарни избори, а за време на нив повеќе од 59 милиони жители на Германија ќе изберат 630 пратеници кои ќе имаат мандат од четири години и задача да изберат нов канцелар и влада.
На изборите учествуваат 29 партии, но само 10 ќе имаат кандидати во сите 16 германски сојузни покраини.
