Во Германија има се помалку банкомати, а готовината се повеќе се подига поинаку

Повлекувањето готовина за купување станува сè попопуларно меѓу потрошувачите во Германија. Вкупниот обем на готовински плаќања минатата година се зголеми за добри 20 отсто, односно на 12,31 милијарди евра, пренесува германската новинска агенција.

Новото плаќање функционира така што клиентот плаќа со картичка на каса и потоа може да го побара износот што му е потребен во готово. Износот се додава на фискалната сметка и се одбива од жиро-сметката на потрошувачот, пренесува магазинот Феникс.

Максималниот износ што може да се повлече обично е 200 евра.

Податоците во средата ги презентираше Институтот за истражување на пазарот ЕХИ.

„За клиентите е погодно бидејќи заштедуваат дополнително патување до банкоматот. Расте побарувачката и поради се помалиот број на банкомати“, вели авторот на студијата Хорст Ратер.

Малопродажните компании кои го практикуваат ова, вклучувајќи ги и синџирите за малопродажба на храна Рева и Едека, аптеките како ДМ и Росман и некои продавници за градежен материјал и алати, враќаат повеќе од 13 отсто од заработените пари на клиентите, покажа истражувањето.

Со зголемената фреквенција на овој начин на пристап до готовина, се зголемуваат и провизиите што компаниите треба да ги плаќаат на банките.

Според податоците на ЕХИ, тие изнесуваат меѓу 0,1 и 0,2 отсто од исплатениот износ по трансакција.

По овој основ, малопродажните субјекти лани платиле 17,23 милиони евра, што е за 25,7 отсто повеќе од 2022 година.