ВОЈДАН ЈОРДАНОВ УШТЕ 4 ГОДИНИ ЌЕ БИДЕ ЧЛЕН НА ОДБОРОТ НА ДИРЕКТОРИ НА ТРИГЛАВ ОСИГУРУВАЊЕ – ова е изборот на Собранието на акционери
Војдан Јорданов уште четири години ќе биде член на Управниот одбор на Триглав осигурување.
Оваа одлука ја донело Собранието на акционери на компанијата на седницата одржана денеска, а за тоа ја извести инвеститорската јавност преку Македонската берза.
Од Триглав осигурување информираат дека Војдан Јорданов се реизбира за член на Одборот на директори на компанијата.
Јорданов е магистер на науки за бизнис администрација и менаџмент на иновации.
Неговиот мандат ќе трае четири години, почнувајќи од први април оваа година.
Другите членови на Одборот на директори ќе продолжат со својата работа во Одборот со постојниот мандат, се вели во известувањето од компанијата.
