Во Црна Гора забрана за увоз на возила со стандардот „евро 4“

Министерството за транспорт и поморство на Црна Гора кон крајот на март ќе донесе измени на Правилникот за технички услови за возила кои се увезуваат или пуштаат во промет за прв пат, со кои ќе се забрани увоз на возила постари од 15 години. во оваа земја.

Примената на оваа мерка ќе почне од 1 јули годинава и ќе се забрани увозот на возила „евро 4“, а минимален стандард за увоз ќе биде „евро 5“, што ги опфаќа возилата произведени од 2009 до 2013 година, пишува „Вијести“. 

Црна Гора во моментов има ограничувања според кои увезените нови автомобили мора да го исполнуваат стандардот „евро 6“, а половните автомобили мора да го исполнуваат стандардот „евро 4“.

Министерството нагласи дека целта на оваа мерка е обновување на возниот парк, а ограничувањето на увозот не се однесува на постоечките постари возила на домашните патишта, па тие ќе можат да се возат се додека минуваат низ процесот на регистрација.

Тие посочија дека анализата што ја направиле со Машинскиот факултет покажала дека просечната старост на возилата во Црна Гора е околу 16 години. Во Црна Гора има повеќе од 240.000 патнички автомобили

Околу 9,5 отсто од вкупниот број регистрирани патнички возила, кои беа регистрирани минатата година, се произведени во текот на 90-тите години. Ги има 22.850, што значи дека секое десетто патничко возило е произведено во минатиот век.