Во блок трансакција беа продадени акции на „Алкалоид“ за 88 илјади евра
На Берзата беше регистрирана блок трансакција со акции на нашата најголема фармацевтска компанија „Алкалоид“.
Објавено е дека завчера биле истргувни во блок трансакција 300 акции на „Алкалоид“, по цена од 18.000 денари за акција, или вкупната вредност на трансакцијата е 5,4 милиони денари, односно близу 88 илјади евра. Тоа значи дека во еден наврат биле продадени и купени акции на „Алкалоид“ за сума од 88 илјади евра.
Инаку, во понеделникот, кога била направена трансакцијата, просечната цена на акцијата на „Алкалоид“ на редовното берзанско тргување изнесувала 17.586 денари, потоа вчера просечната цена на акцијата беше 17.569, додека, пак, денеска цената на акцијата на оваа наша најуспешна фармацевтск компанја изнесуваше 17.688 денари. Или, акциите во блокот биле повисоки од просечната цена на тргувањето во последниве три дена.
