ВНИМАВАЈТЕ: Повторно стигаат лажни пораки за наводни пратки од Македонска пошта
Граѓани низ Македонија повторно започнаа да добиваат пораки кои содржат текст во кој се вели дека наводно имаат пратка од Македонска пошта.
Станува збор за измама, а целта е да бидат одземени лични податоци од корисник за подоцна да бидат злоупотребени.
Во пораката стои линк на кој од вас се бара да внесете лични податоци и број на картичка, со што подоцна криминалната група ќе може да ги злоупотреби вашите податоци и да останете без средства.
За да се заштитите секогаш проверувајте го називот на домаинот и така ќе бидете сигурни дека станува збор за вистинска или лажна веб страница.
Инаку, освен како обична СМС порака, оваа измама до корисниците на Ајфон може да стигне и преку iMessage, односно преку сметка на icloud.com