ВНИМАВАЈТЕ: Лажна страница на УЈП се обидува да ве измами – бара податоци за вашите сметки преку смс порака
Од Управата за јавни приходи денеска апелираат граѓаните да не отвораат СМС пораки кои повикуваат на задолжителна пријава.
„Управата за јавни приходи информира дека кон граѓаните се испраќаат СМС пораки со кои се бара да извршат задолжителна пријава на лажна веб страница https: ujp -gov .mk/ potvrda.
ГРАЃАНИ, НИКАКО НЕ ОТВАРАЈТЕ ЈА ОВАА ЛАЖНА ВЕБ СТРАНИЦА, БИДЕЈЌИ ОД ВАС БАРА ДА ПОПОЛНИТЕ ПОЛИЊА СО ВАШИТЕ ЛИЧНИ ПОДАТОЦИ, ПОДАТОЦИ ОД ПЛАТЕЖНА КАРТИЧКА, И ДА ПРИКАЧИТЕ СЛИКА ОД ВАШАТА ЛИЧНА КАРТА.
Споделувањето на Вашите лични податоци преку оваа лажна веб страница може да предизвика нивна злоупотреба.Веб страница е лажна, не e во сопственост на Управата за јавни приходи.
Испраќачот на пораките се обидува да ги злоупотреби името и логото на УЈП и да ги доведе во заблуда граѓаните, да споделуваат лични податоци и на тој начин да се изложат на ризик и можна злоупотреба.
Управата за јавни приходи ги презема сите неопходни активности за справување со оваа состојба“, велат од УЈП.
