ВМРО-ДПМНЕ: Наместо да чекал интервју за да каже дека ќе бара екстрадиција од Ердоган, Пендаровски тоа требало да го стори до сега
Реакција од опозициската ВМРО-ДПМНЕ на вечерашното интервју на претседателот на државата Стево Пендаровски. Од таму велат дека ова е само уште едно интервју на Пендаровски, уште една политичка анализа, наместо претседателско обраќање.
„Аналитичарот Пендаровски 5 години не успеа да создаде авторитет кај СДС и ДУИ кои очигледно не го регистрираат, наместо по телевизии да се надева дека нема да му праќаат закони со европско знаменце, подобро ќе беше јавно на прес конференција да го изрази своето негодување со ноншалантниот однос на власта и злоупотребата на европското знаменце за секој закон од кој имаат бизнис интерес“, велат во соопштението испратено од ВМРО-ДПМНЕ.
Од таму додаваат:
Во однос членовите на Судскиот Совет, наместо мислења дека било добро, треба да им се извини на граѓаните, зошто тој 5 години е дел од луѓето кои се заслужни за довербата од 2% во судството.
За случајот со Вања, наместо да чекал интервју каде ќе соопшти дека ќе бара од Ердоган екстрадиција од Палевски, тоа до сега требало да го направи.
Пендаровски 5 години едно единствено решение или одлука нема донесено, или ги следи СДС и ДУИ или има краткорочни ставови кои отпосле ги повлекува или го демантира кабинетот.
