ВЛЕН со обвинувања за корупциска шема во Комунално – „ветивме дека многу бргу ќе го покажеме криминалот на Арсовска–ДУИ–Левица“

Политичката партија ВЛЕН денеска излезе со сериозни обвинувања за нова корупциска шема во Јавното претпријатие „Комунална хигиена – Скопје“, поврзана со коалицијата меѓу Данела Арсовска, ДУИ и Левица.

Според документи презентирани на прес-конференција, на 25 февруари 2025 година, ЈП „Комунална хигиена“ склучило договор (бр. 57254) со фирмата „Веда ДООЕЛ“, чиј потписник е 18-годишниот Валон Беџети – син на градоначалникот на Сарај, Блерим Беџети. Договорот се однесува на „интелектуални услуги – совети за заштита на животната средина“ во вредност од 775.000 денари (речиси 12.000 евра).

„Вчера ветивме дека многу бргу ќе ѝ ја покажеме на јавноста криминалната шема што ја прикрива коалицијата Данела Арсовска – ДУИ – Левица. Вчера ветивм дека ќе ви го покажеме криминалот. Денес сме тука со конкретни документи.

ЈП Комунална хигиена потпишува Договор со осумнаесет годишниот син на Блерим Беџети, замислете за давање совети за заштита на животната средина.
Еве го договорот.

Повелете да го видите Договор бр. 57254 склучен на 25.02.2025 меѓу ЈП „Комунална хигиена – Скопје“ и фирмата „Веда ДООЕЛ“.

Се гледа дека парите ги прима – Валон Беџети, син на Блерим Беџети, кој и се има потпишано.

Предмет – „интелектуални услуги –  давање на совети за заштита на животната средина“ без јасно дефинирани резултати, секако, да потсетам дека човекот на кого ЈП Комунална хигиена му плаќаат скоро 12.000 евра за совети е осумнаесет годишно дете.

Еве погледнет и вдете ја едната ставка: 775.000 денари за совети за заштита на животната средина.

Со еден потпис, парите на скопјани завршуваат на сметка на фамилијата Беџети, додека Скопје тоне во ѓубре и нечистотија.
Секако овој директор е поставен од другарката на Блерим Беџети, градоначалничката Данела Арсовска.
Секако, ова е коалицијата на ДУИ, Левица и Димитар Апасиев од кој ќар имаат лично тие, а губат граѓаните на Скопје.

Истото јавно претпријатие веднаш издава фактура бр. 73818 за истата сума од 775.000 денари за „извршени“ услуги. Фактурата е потпишана од истата посредничка фирма, без доказ дека услугата воопшто е започната – камоли завршена.

Рецептот се повторува – втор корисник, близок роднина на директорот на ЈП Комунална хигиена Сабахедин Рустеми.

Погледнете ја Фактура бр. 73819 која носи ново име: Бесар Саќипи – близок роднина на в.д. директорот на претпријатието, Сабахедин Рустеми.

Описот е речиси копи-пејст: „имплементирање нови техники за заштита на животната средина“.

Повторно  договорени 775.000 денари.

Истиот ден, истата сума, истата шема – овојпат за роднина на човекот што ја контролира касата. Во еден ден по 12.000 евра за синот на Блерим и за роднината на директорот назначен од Блерим.

Штетата која е направена е 1.550.000 денари – еднаква на годишен буџет за нови контејнери во неколку скопски населби.