Владата за неколку месеци го чека првиот премиер Албанец, вели Османи
Министерот за надворешни работи Бујар Османи вечерва од партиски собир на ДУИ во Чаир ги потсети граѓаните на каква позиција се Албанците денес.
Тој потсети и дека за неколку месеци се очекува на претседателското место во Владата да застане Албанец.
„Да се потсетиме малку, бевме надвор од училиштата, надвор од универзитети, надвор од болниците, надвор од шалтерите… Да почнеме со претседателот на државата кој е консензуален и ја води војската со печат што е на албански јазик. Денеска имаме Собрание што во последните шест години го водат Албанци. Всушност, имаме три парламенти во регионот кои сега се водат на албански јазик. Ја имаме Владата која за неколку месеци го чека првиот премиер Албанец“, рече Османи.
На собирот, Османи порача дека има 18 министри, од кои 9 се Албанци.
