Владата усвои нов закон за автопатот Кичево – Охрид, ќе се олеснува асфалтирањето
Владата усвои измени на специјалниот закон за реализација на автопатот Кичево – Охрид, каде што има една техничка новина во однос на нанесувањето на асфалтот, за која власта смета дека ќе ја забрза десетгодишната изградба.
Министерот за транспорт Александар Николоски се надева дека измените следната недела ќе ги усвои македонското собрание и со тој Закон ќе биде решен еден од основните проблеми за реализција на автопатот Охрид – Кичево.
– Законските измени се во делот на техничките каректеристики на асфалтот што се користи за финализирање на завршните слоеви на автопатската делница, прилагодени на домашните геолошки услови.
Правимe прилагодување на македонските услови. Асфалт не може да се носи повеќе од 100 км од местото каде што е произведен што значи дека мора да се користи локална оператива и се прилагодуваме на геологијата односно на наоѓалиштата што се користат во изработката на асфалт.
Со гласање на овој Закон веднаш започнуваме со асфалтирање на финалните делови на одредени делници и да бидам пококнретен веќе следната пролет да имаме делови од автопатот кои што ќе бидат целосно ставени во функција. Очекувам до рокот до крај на 2026 година да имаме конечно завршен автопат, рече Николоски.
Министерот истакана и дека се решаваат наследените проблеми со експропријацијата, објектите што се на траса како и со свлечиштата.
