ВЛАДАТА САКА ДА ИМ ПОМОГНЕ НА ЛУЃЕТО: Шпанците ќе работат помалку
Работниците во Шпанија ќе работат помалку. Шпанија ја скратува работната недела на 37,5 часа.
Владата денеска одобри закон со кој се скратува работната недела од 40 на 37,5 часа.
Дванаесет и пол милиони работници во приватниот сектор со полно и скратено работно време ќе имаат корист од кратењата, кои се очекува да ја подобрат продуктивноста и да го намалат отсуството од работа, пишува АП.
„Денес го модернизираме светот на работата и им помагаме на луѓето да бидат малку посреќни“, изјави министерката за труд, Јоланда Дијаз.
Мерката, која веќе се однесува на државните службеници и на некои сектори, главно ќе влијае на малопродажбата, производството, угостителството и градежната индустрија.
Сепак Парламентот, каде левичарската коалициска влада нема доволно гласови, ќе треба најпрво да го одобри законот за тој да може да стапи на сила.
Во повеќе земји имаше експерименти со тоа што се кратеше работната недела за еден ден, со цел работниците да бидат попродуктивни.
foto freepik.com/bearfotos
