Владата ја разреши ревизорката на ЕУ-фондовите и назначи нов прв човек
Владата на денешната седница ја разреши Афрона Верзиволи од должноста главен резизор на Резизорско тело за ревизија на инструментот за претпристапна помош., институција која работи со парите кои доаѓаат од ЕУ-фондовите,
Верзиволи, кадар на коалицијата ВЛЕН, ја немаше потребната ревизорска лиценца, а самата ЕУ реагираше дека таа ги нема потребните компетенции за да управува со оваа институција.
Aрбен Рамадани денеска се именува за в.д. главен ревизор на Резизорско тело за ревизија на инструментот за претпристапна помош.
„Тој е самостоен ревизор во Секторот за унапредување на ревизијата. Непосредно учествува во изработка на стратешки документи, краткорочни и долгорочни стратешки планови во однос на развој на Ревизорско тело и ревизијата и ја следи примената и врши следење на нивното спроведување. Работел и како виш ревизор во секторот за ревизија на ИПА областа“, објасни владината прес-служба.
Иван Игњатов се именува за в.д. заменик на главниот ревизор. Тој е Доктор на економски науки на тема „Развој на систем за ревизија и контрола за ефикасно користење на фондовите на ЕУ“.
