ВИТОМИР МИТЕВСКИ, ЖИВОИН ГЛИШИЌ И БЕДИ ИБРАХИМ Соопштени добитниците на наградата „Св. Климент Охридски“
Академик Витомир Митевски, филозоф и класичен филолог, композиторот Живоин Глишиќ и ликовниот уметник Беди Ибрахим се добитници на државната награда „Св. Климент Охридски“ за 2025 година.
На свеченоста што ќе се одржи на 8 декември во Кристалната сала на Собранието, Одборот за доделување на наградата ќе го врачи највисокото признание за долгогодишни остварувања во областа на воспитанието, образованието, културата, уметноста, здравството, заштитата и унапредувањето на човековата околина и во социјалната дејност од јавен интерес на Република Северна Македонија.
Академик Митевски ја добива наградата за своите придонеси во областа на воспитанието и образованието, додека Глишиќ и Ибрахим се наградени за значајни остварувања во културата и уметноста.
Државната награда „Св. Климент Охридски“ претставува највисоко признание што се доделува за заслуги од јавен интерес во Република Северна Македонија.
.
