ВИДЕО „За вас е обичен човек, за нас монструм“: Таткото на загинатата Надица во „Пулс“ со жестока реакција до адвокатката Коцевска

Александар Наунов, родител на Надица Наунова загината во трагедијата во „Пулс“, упати остра јавна реакција до адвокатката Коцевска. Во своето обраќање, тој ги отфрла нејзините тврдења за наводен напад врз неа и ја потсетува на, според него, суровите зборови изречени во судницата.

Наунов реагира на претходната изјава на адвокатката, која се пожали дека нејзиниот лик бил злоупотребен на постер за време на маршот за правда. Тој истакнува дека семејствата не ја нападнале лично, туку бараат правда, а нејзината реакција ја нарекува „потценување на интелигенцијата“.

Наунов директно ѝ се обраќа на Коцевска, потсетувајќи ја на моментите од судењето кои родителите ги доживеале како особено болни.

Во однос на обвинувањата дека нејзиниот лик бил искористен на постер, Наунов вели дека многу луѓе можеле да се препознаат во таа илустрација, но само таа реагирала.

Тој додава дека родителите го почитуваат правото на одбрана, но очекувале професионалност и почит кон нивната траума.

Родителот на загинатото дете ја обвинува адвокатката дека се обидува да го релативизира вината на обвинетиот, претставувајќи го како човек без свест за своите постапки, иако доказите говорат поинаку.

Реакцијата завршува со порака дека семејствата нема да дозволат вистината да се „разводнува со спинови“ и дека нивната борба за одговорност продолжува.