ВИДЕО Ужас во Украина, политичар фрли рачни бомби за време на состанок на локалната заедница!
Најмалку 26 лица се повредени кога украински политичар фрли рачни бомби за време на состанокот во зградата на локалната заедница во Керечко, Транскарпатија.
Украинскиот политичар кој ги фрлил бомбите е идентификуван како Сергеј Бартин, а според украинските медиуми тој наводно се скарал со селскиот началник пред таа кобна средба.
Камерите го снимиле моментот кога човекот, кој првично не беше именуван, но се вели дека е заменик во локалната заедница, вади неколку рачни бомби од џебот и потоа ги фрла доле.
Според видеото, учесниците на седницата на почетокот не изгледаа исплашени, како да не разбираат што се случува или можеби мислеа дека нивниот колега фрла листови. Сепак, во следниот момент, сè почнува да пука.
„Во инцидентот повредени се 26 лица, од кои шест се во тешка состојба. Мажот што ги активирал гранати е на реанимација“, соопшти полицијата.
Детонирањето на гранати во зградата на локалната заедница е оквалификувано како терористички напад, чија истрага е надлежна Службата за безбедност на Украина (СБУ), објави на Фејсбук Одделот за комуникации на полицијата на областа Закарпатија.
Шефот на регионалната воена управа на Закарпатија, Виктор Никита, изјави дека поради детонирањето на гранатите биле повикани итните служби на регионалните безбедносни служби.
„Поведена е кривична постапка, се утврдуваат околностите на кривичното дело. Свикан е итен состанок на Регионалниот совет за одбрана за донесување итни оперативни одлуки“, се наведува во соопштението.
Никита додаде дека на одделот за здравствена заштита на регионот Закарпатија му е наредено да организира поддршка за лекување на жртвите од експлозијата, да ја обезбеди сета потребна медицинска опрема и да организира работа со семејствата на ранетите.
Според неофицијални информации, нападот бил извршен на седница на која пратениците расправале за буџетот за 2024. Наводно, напаѓачот бил избран во Советот од партијата „Слуга на народот“.
