ВИДЕО ТЕШКА СООБРАЌАЈКА КАЈ ТОПОЛЧАНИ: Шестмина повредени во судир на „Мерцедес“ и „Форд“ – еден со тешки повреди
Билансот од синоќешната сообраќајна несреќа на патниот правец Прилеп-Битола е загрижувачки – вкупно шест лица завршија во болница, од кои едно е со тешки телесни повреди.
Несреќата се случила синоќа (28 декември) околу 20:18 часот во близина на селото Тополчани.
Според информациите од ОВР Прилеп, во незгодата учествувале две патнички возила:
Најтешко поминал возачот на „Мерцедесот“ (Н.С.), кому лекарите во Општата болница Прилеп му констатирале тешки телесни повреди.
Возачот на „Фордот“ и неговите четири сопатници (сите од Охрид) се здобиле со телесни повреди. Меѓу повредените патници во охридското возило, покрај трите возрасни лица (Н.У.-24, М.Ѓ.-38 и Б.Б.-38), има и едно малолетно лице.
Полициска екипа од ОВР Прилеп извршила увид на местото на настанот за да се утврдат причините за судирот.
