(ВИДЕО) Технологијата си игра со мене – романски советник се појави гол на онлајн состанок
Советник во Романија се појавил гол на онлајн состанок, а неговата колешка се обидувала да се воздржи од смеење.
Станува збор за советник на социјалдемократите (ПСД), Алберто-Иосиф Карајан, кој ги насмеал своите колеги појавувајќи се гол на онлајн состанок.
Тој завршил со туширањето во моментот кога колешката која претседавала со состанокот го повикала да се обрати. Еден од присутните му кажал да ја исклучи камерата.
„Не можам да ја исклучам. Се извинувам. Не знам како да ја исклучам“, изјавил Алберто.
Тој потоа го прекинал повикот и повторно се јавил откако се облекол. Советникот се извини за грешката.
„Технологијата си игра со мене. За жал, ја платив цената на тоа што се брзав. Жал ми е поради овој ‘инцидент’“, напишал Карајан на Фејсбук.
Но, за оваа грешка доби и критки. Слични примери имаше и во други земји. Откако почна пандемијата на коронавирусот, политичарите држеа онлајн состаноци и се случуваше некој да се појави без кошула и слично.
