ВИДЕО Струмичанката Тина Русева го освои првото место на „The Vice of Europe“ 2025
Младата и талентирана Тина Русева од Струмица го освои првото место на европското музичко натпреварување „The Voice of Europe“ 2025, потврдувајќи го својот значаен музички потенцијал на меѓународната сцена.
Русева се претстави одлично пред жирито и публиката, со што обезбеди место во финалето и на крајот триумфираше благодарение на гласовите на жирито и поддршката од публиката.
По прогласувањето на победникот, Тина на својот Инстаграм профил изрази голема благодарност: „Не знам што да кажам, тотално сум збунета. Но едно искрено, најискрено благодарам за сите вас што гласавте и го споделивте видеото… Навистина не знам каде се наоѓам моментално, ама голема благодарност до сите вас“, напиша таа.
Русева, која има 21 година, со семејството веќе десет години живее во Германија. Таа претходно се натпреваруваше во шоуто „The Voice of Germany“, каде што нејзините изведби беа споредувани со оние на Витни Хјустон и Селин Дион, а многумина ја пофалија за својот уникатен и моќен вокален настап.
Победата на „The Vice of Europe“ 2025 е уште еден значаен успех во кариерата на Тина Русева и потврда за нејзиниот талент на европската музичка сцена.
