ВИДЕО Струга влезе во летен ритам: Најхрабрите влегоа во Дрим!
Со зголемувањето на температурите и пристигнувањето на првите вистински сончеви денови, Струга започна да пулсира во својот препознатлив летен ритам. Улиците на градот се сè поживи, кафулињата покрај езерото се исполнети, а најголемиот симбол на летото – реката Дрим, веќе ги прими првите капачи.
Најхрабрите, претежно млади, без двоумење влегоа во сè уште свежата вода на Дрим, искористувајќи ги сончевите зраци за освежување и релаксација. Сликите од капачи во срцето на градот го најавуваат почетокот на туристичката сезона, на која стружани традиционално ѝ се радуваат.
