ВИДЕО: Страшни поплави, вода носи луѓе и автомобили, има и загинати
Невреме со силен дожд ја пустоши Шпанија од минатиот викенд.
Имаше огромни поплави, а пороите однесоа луѓе и автомобили. Како што јави Франс24, бројот на загинати во поплавите во Шпанија се искачи на шест.
Колку се страшни поплавите во Шпанија покажува видео објавено на социјалната мрежа Х од градот Корела на северот на земјата. Во видеото кое е создадено денес, можете да видите како автомобилот се пробива низ водата која се повеќе ја поплавува улицата и возилата на неа.
Викендов невремето, кое ја зафати целата земја, го попречи патувањето на десетици илјади луѓе последниот викенд пред почетокот на новата учебна година. Научниците предупредуваат дека екстремните временски услови како тропските бранови и бурите стануваат се поинтензивни поради климатските промени.
