ВИДЕО: Се урна зграда во Доха – се трага по преживеани
Властите во Катар соопштија дека најмалку едно лице загинало во уривање на зграда во Доха. Спасувачите веднаш почнаа да ги пребаруваат урнатините за да проверат дали има преживеани. Министерството за внатрешни работи на Катар потврди дека четирикатна зграда се урнала во областа Бин Дурам во Доха.
Спасувачите досега пронашле седум преживеани, а властите се уште не дале објаснување за причината за уривањето на зградата. На социјалните мрежи беа објавени видеа на кои се гледа како при уривањето дел од зградата паднал врз блиската зграда, а во позадина се слушаат алармите кои се вклучиле на автомобилите.
A video taken by a resident minutes after a building collapsed in Bin Durham area
Read more: https://t.co/u95lRPl3zp#Qatar #Doha pic.twitter.com/qFioVR4Za4
— The Peninsula Qatar (@PeninsulaQatar) March 22, 2023
Цивилната одбрана и полицијата го опколиле местото на падот, а на местото биле неколку возила на брза помош и багер. Од жителите било побарано да се евакуираат поради сопствена безбедност, пишува Вашингтон пост.
Локален жител изјавил за порталот Peninsula дека дел од зградата се урнала на трикатница веднаш до неа. Целиот простор е ограден и никој не смее да влезе во зградите“, посочи тој. Друг жител додаде дека зградата се урнала околу 8:18 часот по локално време.
„Во зградата има многу пакистански, египетски и филипински семејства“, рече тој. Инаку, Катар е земја во која странците сочинуваат 90% од населението, пишува Ал Џезира.
