ВИДЕО Повторно еруптираше вулканот Етна
Етна, активен вулкан во јужна Италија, исфрли пепел и лава во силна ерупција.
Локалните извори соопштија дека активноста започнала вчера вечерта во југоисточниот кратер, една од активните зони на Етна на надморска височина од околу 3.300 метри, и продолжила до вечерта.
Италијанските медиуми, повикувајќи се на филијалата на Националниот институт за геофизика и вулканологија во Катанија (INGV), објавија дека вулканот исфрла пепел и лава, а облакот од пепел лебдел кон исток.
Поради интензитетот на ерупцијата, тимот на INGV од Катанија утринава издаде црвено предупредување за воздушниот сообраќај во регионот, иако аеродромот Фонтанароса во Катанија остана отворен.
Исфрлањето пепел, кое започна во средата навечер, се смири до попладневните часови, што доведе до постепено намалување на предупредувањата за воздушниот сообраќај.
Ова е последната значајна активност на Етна од февруари, по интензивните ерупции и течења на лава минатото лето на Сицилија, каде се наоѓа највисокиот активен вулкан во Европа.
