ВИДЕО Отворена сезоната и на Ски центарот „Стрежево“
Денес почнува скијачката сезона на Ски центарот “Стрежево” – Нижеполе.
Традиционално, за сите посетители, скијањето на првиот ден е промотивно (бесплатно) на двата ски лифта. Ќе има и ноќно скијање.
Од јавното претпријатие велат дека и оваа сезона скијањето на Стрежево ќе биде достапно за посетителите по поволни цени.
„Вчера со наша механизација и камиони од Македонија пат се овозможи патот да биде прооден и проширен по интензивните снежни врнежи деновиве, а се чисти и паркинг просторот наменет за посетителите на Ски-центарот Стрежево, и воедно се завршува со уредување и обележување на постојните скијачки патеки. Денес ставена во функција и редарската служба. Нашиот скијачки центар е целосно екипиран за непречено и безбедно функционирање на ски – терените“, велат од таму.
