(ВИДЕО) Нов протест во Србија: Граѓаните бараат оставка од Вучиќ и стоп за реалити
Во Србија се одржа трет по ред собир со мотото „Србија против насилство“.
Протестот почна во 18 часот пред Собранието на Србија. Собранието ја продолжи расправата за владиниот извештај за безбедносната состојба по масовните убиства во Белград и на подрачјето на Смедерево и Младеновац. Таму не беа претставниците на Демократската партија и Клубот Зелено-левичарски. Тие одлучија да не да учествуваат на седницата. Дебатата за извештајот, која ја образложи премиерката Ана Брнабиќ, започна во четвртокот попладне.
На протестот прва зборуваше Ивана Михајловиќ, фармерка и една од мајките, на кои, како што вели, им згрешил режимот на српскиот претседател Александар Вучиќ.
Таа изјавила дека на нејзиното дете му било забрането да оди во градинка затоа што лани учествувала на протестите на земјоделците.
„Сакаме да живееме без страв во нашата земја. Тука сме затоа што сакаме Србија без насилство. Зарем тоа не им е јасно на сите? Тие што ја водат државата имаат апсолутна моќ, но и апсолутна одговорност. Не смееме да им дозволиме да си играат со нашите и со животите на нашите деца. Барањата се јасни: бараме прекин на промовирањето на насилството, а тоа подразбира итно отпуштање на сите членови на РЕМ. Исто така, итно прекинување на реалното шоу“, изјави таа.
Граѓаните скандира „Вучиќ, оставка!“ Србија се разоружува по двата масакри кои се случија месецов. Граѓаните рекоа дека властите дури се исмевале со жртвите. На протестот имало и јавни личности.
фото принтскрин
