ВИДЕО „Не сум многу изгорен бидејќи бев потрупан со луѓе“, раскажува преживеаниот Јорданчо Ефтимов од Кочани

Еден од повредените во пожарот во дискотеката „Пулс“ во Кочани, Јорданчо Ефтимов, во живо на Инстаграм ги покажа своите рани, објаснувајќи го страшно искуство од трагичната ноќ.

„Не сум многу изгорен бидејќи бев потрупан со луѓе, не сум сигурен дали беа живи, прилично тежеа, не збореа ништо. Пример јас зборев, они не збореа ништо, и кога ги потргнав, кога ја извадив раката само видов дека се растргнуваат луѓето над мене и некој ми подава рака да станам.“, раскажува преживеаниот Јорданчо, кој и покрај тежината на настанот, со храброст ја сподели својата приказна со јавноста.

Тој вели дека поминал со изгореници на рацете и лицето. Едната рака (левата) веќе му е функционална, додека пак на десната и треба време за да закрепне.