ВИДЕО Напнато во Германија: Жена упаднала во клиника, запалила факел и испраќала закани
Голема полициска и противпожарна акција е во тек во болницата Луизен во Ахен, Германија, каде според првичните информации од полицијата, наводно вооружена жена им се заканувала на неколку лица во клиниката, пишуваат германските медиуми.
Областа е опкружена со вооружена полиција со шлемови, панцири и автоматски пушки, а улиците се затворени. Специјални единици од Келн се на пат кон локацијата.
Се наведува дека жената ја запалила пиротехниката и голем чад ја наполнил клиниката. Според БИЛД , непозната жена запалила бенгалски факел во операционата сала.
🚨#BREAKING: Around 10-20 hostages at the Luisenhospital in Aachen, #Germany; Armed police on the scene. pic.twitter.com/czIVwFwDel
— World Source News 24/7 (@Worldsource24) March 4, 2024
Таа потоа се забарикадирала во собата за пациенти – не е јасно дали имало други луѓе во собата.
Полицијата се уште не може да каже кој е точно вооружениот, ниту на кого му се заканува. Исто така, не е јасно дали има повредени.
Станува збор за протестантска болница со 378 кревети и дванаесет специјалистички одделенија. Во болницата работат околу 1.600 вработени.
Во моментов се расчистуваат делови од клиниката, а пациентите се преместуваат.
Како што пренесува „Ахенер цајтунг“, од зградата се изнесуваат вознемирени луѓе.
