ВИДЕО Најпотресен момент од трагедијата во Венеција: Телата на жртвите паднаа на земја, свештеник се моли за нивните души, голема тага

Засега се идентификувани осум од 21 повредени патници на автобусот кој излетал од надвозникот кај Венеција.

Меѓу жртвите во страотната сообраќајна несреќа има пет државјани на Украина и еден германски државјанин, а идентификуван е и возачот на автобусот Алберто Рикото (44) од Тревизо. Хрватските медиуми неофицијално јавуваат дека меѓу жртвите има и трудница од Сплит.

Шест повредени, меѓу кои и деца, се во тешка состојба.

Според агенцијата АНСА, идентификацијата на жртвите е тешка со оглед на тоа што многу тела изгореле до непрепознатливост и затоа што многу туристи немале документи со себе.

– Дојдоа многу роднини, но тешко е со сигурност да се дадат имиња. Поради оваа причина и дадов задача на судската медицина да користи ДНК анализа за идентификација. Се надеваме дека до утре ќе ги идентификуваме сите жртви. Наша желба е што поскоро да им ги вратиме телата на роднините – изјави венецијанскиот обвинител Бруно Черчи.

Јавното обвинителство го отвори случајот врз основа на хипотезата за повеќекратни убиства на пат.

На видеото се гледа дека автобусот се лизгал од десната страна покрај оградата цели 50 метри пред да падне од надвозникот на пругата. Черчи потврди дека нема траги од кочење и претходен контакт со други возила.

– Немаше пожар или истекување на гас од литиумските батерии. Во моментов нема осомничени. Обвинителството набавило и црна кутија од возилото на кое ќе се вештачи – истакна Черчи.

Да потсетиме, трагедијата се случила нешто по 19:30 часот во вторникот, кога автобусот со туристи слетал од надвозникот на железничката пруга, по што се запалил и целосно изгорел.