ВИДЕО: Најмалку 6 руски проектили го погодија Харков
Најмалку шест руски проектили го погодија украинскиот град Харков вечерва, а локалните власти се уште го утврдуваат степенот на штетата и дали има жртви, изјави регионалниот гувернер Олег Синегубов, цитиран од Ројтерс.
Русија со месеци прибегнува кон ракетни и беспилотни напади врз различни цели во Украина во обид да ја исфрли критичната инфраструктура, според Ројтерс.
„Непријателот повторно го напаѓа Харков. Најмалку шест ракети го погодија градот“, напиша Синегубов во Телеграм.
Според прелиминарните информации, Русија користела ракети С-300, додаде гувернерот.
Ракетите биле истрелани од регионот Белгород во јужна Русија, рече Синегубов. Белгород е пограничен руски град, кој се наоѓа северно од Харков, забележува Ројтерс.
Воените аналитичари велат дека Русија ги адаптирала своите ракети за противвоздушна одбрана С-300 да погодуваат копнени цели во Украина.
Explosions reported in #Belgorod, shortly after the attacks on Kharkiv. pic.twitter.com/Wqdkn89kZz
— NOËL 🇪🇺 🇺🇦 (@NOELreports) March 30, 2023
