(ВИДЕО) Косовската полиција претепа двајца млади Срби во Грачаница
Инцидент се случи вчера во Грачаница, каде косовската полиција претепа двајца Срби.
Станува збор за две српски млади момчиња А.М.(24) и М.М.(19) години. Едниот од младите завршил во болница, а другиот го однеле во полициска станица. Таму се собрале мештаните во знак на протест. Како што пренесува Косово-онлајн до инцидентот дошло кога полициска патрола ги сопрела младите Срби во автомобил и почнала да им пишува казни за не носење појас.
Еден од очевидците, Александар Васиќ, тврди дека момчето кое го управувало автомобилот не ја нападнало полицијата.
„Претпоставувам дека половина час претходно му напишале казна и повторно го запреле во текот на ноќта. По тоа тој се обиде да излезе од автомобилот за да ги праша зошто му пишуваат казна двапати за половина час, но полицајците не го пуштаа да излезе. Кога му ја врачија казната, дојде брат му и праша зошто ја пишуваат казната на албански, и тогаш почна туркањето. Се собраа тројца полицајци Албанци. Го фрлија на асфалт момчето кое се обиде да се одбрани и викаше „не сум виновен“. Тој навистина ништо не кажа, единствено брат му праша зошто го казнувате на албански јазик и ништо друго“, рече Васиќ.
Вчера имаше средба Белград – Приштина во Брисел, но договор нема.
