ВИДЕО Избувна пожар во училиште и градинка во Бутел – постои сомневање дека бил подметнат!
Пожарот што избувна во дворот на основното училиште „Св. Климент Охридски“ и се доближи до новоизградена детска градинка е целосно ставен под контрола, соопшти градоначалникот на општина Бутел, Дарко Костовски.
Според градоначалникот, постои сомнение дека пожарот бил подметнат и се приближил на десетина метри од градинката, што потенцијално можеше да предизвика голема катастрофа. Тој нагласи дека не сака да верува дека овој чин бил политички мотивиран.
„Им честитам на храбрите пожарникари за нивната брза и навремена интервенција, како и на командирот на ПС Бутел и кризниот штаб на општината“, изјави Костовски.
Благодарение на брзата реакција на службите, пожарот е изгаснат пред да предизвика поголема штета и повреди.
