ВИДЕО ХОРОР ВО КИНА: Се урна мост, возила паднаа во вода, има загинати…

Шлеп удри во мост во кинескиот град Гуангжу рано во четвртокот, фрлајќи пет возила, вклучително и јавен автобус, во реката.

Во несреќата загинале две лица, а едно е повредено. Тројца се уште се водат како исчезнати, објавија државните медиуми.

Сликите на видео надзорот покажуваат дека дел од мостот е скршен, а бродот е заробен под него. Се чини дека бродот не превезувал товар.

Инцидентот се случил во 05:30 часот по локално време.

Капетанот на бродот е приведен, а луѓето што живееле во близина се евакуирани, јавија локалните медиуми, повикувајќи се на окружните власти.

Според извештаите, компанијата што го поседува бродот соопшти дека соработува со истрагата.

Еден од извештаите цитираше жител кој рекол дека водата и интернет-услугата во неговата област биле прекинати.

Во октомври 2021 година, провинциските власти ја идентификуваа потребата за зајакнување на мостот, вклучително и изградба на структури за избегнување падови на четирите столбови на мостот, објави CCTV.

Рокот за завршување на овие работи трипати се одложуваше, последен пат за август годинава, стои во извештајот.

Гуангжу лежи на делтата на реката Перл и е едно од најпрометните пристаништа во Кина.