ВИДЕО Хакирана веб-страницата на автобуската станица – објавена заканувачка снимка до властите!
Веб-страницата на Меѓуградската автобуска станица – Скопје (sas.com.mk) е цел на хакерски напад од поединец или група што се претставува под името „Аргонс“, па така наместо редовната содржина, на страницата е поставено видео кое има заканувачка порака упатена кон македонските власти.
Видеото, објавено на платформата Vimeo на 13 октомври во 15:37 часот, прикажува темна позадина и се слуша глас на англиски јазик што најавува „сајбер армагедон“, а се чини дека истото стои веќе два дена.
„Здраво македонска официјална владо, дали спиете мирно? Не лажевте нас, како што моментално ги лажете македонските граѓани. Баравте кратенка за да ја пуштите вашата политичка агенда. Мислевте дека можете да не искористите за да ги уништите своите противници со нашите методи. Но никогаш не плативте. Сега имаме порака за вас. Наскоро ќе видите дека не можете да се зае*авате со нас. Судниот ден се приближува. Сајбер армагедон ќе се истури врз вас,“ се вели во пораката.
Засега нема официјално соопштение ниту од управата на автобуската станица, ниту од надлежните државни институции, кои би требало да го истражат случајот.
Интернет-страницата и понатаму останува нефункционална.
