ВИДЕО: Голем пожар вечерва во Скопје, гори мост со инсталации – не се знае дали има и гас!

Големи пламени јазици се издигнуваат од мостот во близина на трговскиот центар Ист Гејт. Според првичните информации гори инсталација на струја и топловод.

ВИДЕО: Борислав Стоилковиќ

На друштвените мрежи се споделуваат слики и фотографии од инцидентот. На терен се екипи од противпожарната единица во Скопје, кои се обидуваат да го локализираат пожарот.

Од екипите на терен станува јасно дека се обидуваат да стапат во контакт со одредени компании за да откријат дали под мостот има и инсталација со гас. Што доклку ја има, би претставувало голем проблем и закана.

Остатци, најверојатно од пластика се гледаат и по течението на Вардар. А Скопје е прекриен со густ црн чад.

ЦУК: ноќва е изгаснат пожар на мостот „Беласица“ на Вардар, кај ТЦ „Ист Гејт“ во Скопје

Преку единствен број за итни повици 112 при Центарот за управување со кризи (ЦУК) на полноќ e добиен повик за пожар на долната страна на мостот „Беласица“ за моторни возила над реката Вардар, на истоимената улица „Беласица“ кај затворениот трговски центар „Ист Гејт“, што е во близина на бензинска пумпа на „Макпетрол“ кај трговскиот центар. Веднаш по добиената информација од страна на Секторот за операции и координација (СОК) и Регионалниот РЦУК Скопје на ЦУК биле известени сите можни институции и фирми, коишто имаат или, пак, е можно да имаат инсталации под мостот и е извршена координација со Бригадата за противпожарна заштита (БППЗ) на Град Скопје, којашто била на терен со 8 противпожарни (пп) возила и 21 пожарникар.

Во 01.45 часот БППЗ на Град Скопје извести дека пожарот е локализиран, додеа дека нивна пп екипа се уште била на терен да догасува делови од пожарот, а во 1.50 часот ЈП „Железници“ извести дека електричниот напон бил вклучен.

Во 2.28ч Секторт за операции и координација на ЦУК извести дека воспоставиле контакт со ЕСМ за интервенција на постоечките топлински цевки што биле пукнати од пожарот.

За причините за пожарот и што точно горело, дополнително ќе бидат добиени информации, по увидот на терен.