ВИДЕО Фудбалер (17) почина по удар со нога во глава, трагедија го потресе фудбалскиот свет
Страшна вест доаѓа од Алжир, каде младиот фудбалер Васим Јазар го загуби животот како последица на удар кој го доби за време на фудбалски натпревар.
Овој талентиран фудбалер беше удрен со нога во глава на натпревар на помладите категории на неговиот тим Вади Ел Маа при една акција на неговиот тим.
Дефанзивецот се обиде да ја шутне топката пред Јазар, кој беше побрз и ја зеде со гради, но не можеше да го избегне ударот на противникот во сопствената глава.
Дополнителна штета нанел падот, по што младиот фудбалер со главата удрил во земја, бидејќи од првиот удар изгубил свест.
Бидејќи на терен немало медицинска помош, Јазар со автомобил бил испратен во болница.
Таму се бореа за неговиот живот, но безуспешно, а Мундо Депортиво дури доби информација дека младиот фудбалер починал веќе на теренот.
Како изгледаше сето тоа можете да видите во видеото подолу, но ве предупредуваме дека содржината е крајно вознемирувачка.
