(ВИДЕО) „Европо пукаа во нас“ – ова е порака од косовските Срби кои излегоа да протестираат

Протестираа Србите на Косово, откако косовски полицаец вчера повреди Србин од Звечан кој заврши во болница.  Срби од Звечан, Северна Митровица и Лепосавиќ околу 14 часот пеш тргнаа кон мостот Бистрица во Звечан во знак на протест поради ранувањето на нивниот сонародник Милан Јовановиќ, објавија косовските медими.

Сопругата на Милан, Марина Јовановиќ преку социјалните мрежи ги повика граѓаните на протест за да го изразат револтот. Насобраните граѓани дојдоа од главниот пат Звечан-Рашко и носеа транспаренти на кои пишуваше „Европо пукаа во нас“, „Не ви е овде местото “.

Во еден момент на околу 500 метри од полициската станица кај мостот Бистрица, полицијата се обиде да ги спречи граѓаните да продолжат. Преговорите траеле 10-15 минути, а потоа колоната продолжила. Имаше и потпишување на петиција, со која се бара повлекување на сите специјални полициски единици од северот на Косово. Во близина на пунктот каде што се стационирани специјалците на косовските безбедносни сили во Звечан, ноќеска е поставен знак со предупредување „Специјалците на Курти пукаат на Срби“.

Инаку четворица косовски полицајци се уапсени и суспендирани поради инцидентот, потврди косовскиот министер за внатрешни работи Џељаљ Свечља. Тој вели дека еден од полицајците пукал со пиштол во автомобилот откако возачот одбил да застане. Откако Албин Курти е премиер имало најмалку 300 напади на косовските Срби. 

Фото: Косово онлајн