ВИДЕО | Ердоган се фати за микрофон, пееше по победата
Поддржувачите на новостариот турски претседател Реџеп Таип Ердоган, кој победи во вториот круг од претседателските избори, слават низ турските градови, а Ердоган пееше пред насобраните граѓани во Истанбул.
Ердоган им се обрати на приврзаниците од горниот кат на автобус со отворен покрив и ја отпеа песната „Duyanlara Duymayanlara“, што во превод значи „За оние кои слушнале и оние кои не слушнале“.
Во бројни турски градови се собираат приврзаниците на Ердоган и ја слават неговата победа во вториот круг од претседателските избори.
Претседател од 2014 година и премиер 11 години порано, Ердоган е социјален конзервативец кој ја оддалечи Турција од интеграцијата во ЕУ додека ги консолидираше своите овластувања и промовираше умерени исламистички политики дома.
Тој има развиено блиски трговски и дипломатски врски со Русија и Кина, додека се позиционира како потенцијален миротворец во регионалните конфликти, вклучително и Украина.
Киличдароглу е полиберален политичар, кој вети дека ќе ги поправи заладените врски на Турција со нејзините сојузници во НАТО и ќе ги рестартира разговорите за пристап во ЕУ.
