ВИДЕО: Електричен тротинет се запали при полнење и експлодираше!
Видео снимката го покажува моментот кога електричен тротинет експлодира додека се полнел во кујната на една куќа во Лондон.
Инцидентот се случил викендот, кога лондонската противпожарна служба била испратена на аларм за пожар, пишува Би-Би-Си.
Сопственикот на тротинетот, кој во тој момент се наоѓал во куќата, рекол дека е „благодарен што е жив“.
Противпожарната служба известува дека годинава во Лондон имало 48 пожари на електрични велосипеди и 12 електрични тротинети.
Сопственикот рече дека го купил тротинетот пред две недели од онлајн продавница. Откако се обидел да се бори со пламенот со ќебе, се здобил со задушување од чад и бил хоспитализиран.
На снимката, снимена од две камери во ходникот и кујната на куќата, се гледа како електричниот скутер се запали за неколку секунди додека се полни.
Лондонската противпожарна бригада исто така известува дека пожарите предизвикани од електрични скутери и велосипеди стануваат се почести и ги предупредува луѓето да проверат дали ги исполнуваат безбедносните стандарди во ОК. Советуваат уште да не се полнат дома.
